«Հետք»-ի լրագրող Սամսոն Մարտիրոսյանը հունիսի 20 և 21-ին, լայվ հեռարձակմամբ պատմում էր Թբիլիսիի բողոքի ցույցերի առաջին օրերի մասին:

Նա պատմում է, որ ոչ ոք չէր կանխատեսում, որ ցույցերն այդպիսի շարունակություն կունենան և այդ պատճառով պատրաստված չէին ոչ տեխնիկապես, ոչ հոգեբանորեն:

«Ռետինե մահակներից ու արցունքաբեր գազից տուժել էին նաև լրագրողները: Բայց վրացի լրագրողները լավ էին աշխատում՝ հարմարվելով իրավիճակին ու զգալով պատասխանատվություն»,- ասում է նա:

Հատուկ գնալը հարևան պետություն՝ արագ զարգացող իրադարձություն լուսաբանելու համար, այդքան էլ ընդունված պարկտիկա չէ Հայաստանում:

«Երևի քաղաքական որոշում է պետք», – ասում է Սամսոնը:

Դարակում

Հունիսի 28-29-ին տեղի կունենա Թվապատում մեդիա կոնֆերանսը։ Այս տարվա կարգախոսն է՝ ոգեշնչել, ներգրավել, միավորել։

11 միջազգային և 4 հայաստանցի բանախոս, երիտասարդ ու հաջողակ յություբերներ։ Բանախոսություններ, քննարկումներ և վարպետանոցներ։ Լրագրողների իսկական մեդիա հավաք։

Գեղամ Վարդանյան