Դասընթաց. Մոնետիզացիայի մոդելներ մեդիայում

07.05.2019, Հայտարարություն

Մայիսի 24-26-ը Մեդիա նախաձեռնությունների կենտրոնը կազմակերպում է «Մոնետիզացիայի մոդելներ մեդիայում» թեմայով դասընթաց։ Այն կվարի մեդիա տեխնոլոգ, Telegram-ում @mediamediame նախագծի հեղինակ և խմբագիր, դասընթացավար-խորհրդատու Սերգեյ Յակուպովը։

Դասընթացի ծրագրում ներառված են հետևյալ թեմաները՝

  • Մեդիայի մոնտիզացիայի ավանդական և այլընտրանքային ուղիները,
  • Գովազդի և գովազդային հատուկ նախագծերի ձևաչափերը մեդիայում,
  • Լրագրությունը և գովազդային  նյութերը (native ads),
  • Գովազդային բովանդակության տարածման հիմնական ուղիները եւ կանոնները,
  • Հատուկ և գովազդային նախագծերի ստեղծման և վաճառքի մեխանիկան։

Դասընթացին կարող են մասնակցել լսարանի հետազոտության, գովազդի, վաճառքի մասնագետներ,  լրագրողներ, խմբագիրներ, մենեջերներ, թեմայով հետաքրքրված փորձագետներ։

Նախընտրությունը տրվելու է այն թեկնածուներին, ովքեր

  • հետաքրքրված են  սեփական խմբագրությունում մոնետիզացիայի նոր  մոդելների  փորձարկմամբ  և իրենց հայտերում ներկայացրել են համապատասխան գաղափարներ,
  • կարող են մասնակցել ծրագրի հետագա փուլերին (դրամաշնորհային առաջարկների մշակում, իրականացում) և ժամանակ տրամադրել աշխատելու իրենց և/կամ այլ խմբագրությունների հետ,
  • պատրաստ են փոխանցել իրենց գիտելիքներն ու փորձը գործընկերներին։

 Դասընթացի ժամանակ քննարկված գաղափարները  կարող են  ծրագրային առաջարկների հիմք դառնալ, լրամշակվել և ներկայացվել դրամաշնորհային մրցույթին, որը կհայտարարվի մինչև 2019թ-ի օգոստոս։

Դասընթացն անցկացվելու է Երևանից դուրս (անցկացման վայրի մասին մանրամասները կտրամադրվեն ավելի ուշ)։ Ճանապարհածախսը և կեցության հարցերը հոգում է ՄՆԿ-ն։  Աշխատանքային լեզուն ռուսերենն է։

Սերգեյ Յակուպովը մեդիադաշտում աշխատում է 2003 թվականից, վերջին տարիներին զբաղվում է լրատվական կայքերի մոնետիզացիայի խնդիրներով, եղել է   zvzda.ru  և newsko.ru (Պերմ) լրատվական կայքերի բրենդ մենջեր և գլխավոր խմբագիրը, ղեկավարել է «Я покупаю» (Եկատերինբուրգ) հրատարակությունների դաշնային ցանցը:

Դասընթացին մասնակցելու  հայտը կարող եք լրացնել հետևյալ հղումով։ Վերջնաժամկետը 2019թ-ի մայիսի 18-ն է։ Մանրամասների և հարցերի դեպքում՝ կարող եք դիմել Նարինե Սաֆարյանին՝ 010 58 36 20 (119) հեռախոսահամարով կամ [email protected]  էլ․ հասցեով։  

Դասընթացը կազմակերպվում է «Լսարանի ճանաչում և թվային աջակցություն» ծրագրի շրջանակում, որի նպատակն է առավել արդյունավետ, թիրախային և փոխներգործուն դարձնել  լսարանի հետ մեդիայի աշխատանքը։

Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
 

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:
Լրացուցիչ տեղեկություններ ?