Մարտի 5-6-ը Մեդիա նախաձեռնությունների կենտրոնը կազմակերպում է «Մեդիա նախագծերի կառավարում և մոնետիզացիա» թեմայով դասընթաց լրատվամիջոցների խմբագիրների, մենեջերների, թեմայով հետաքրքրված փորձագետների համար։
Այն կվարի մեդիա տեխնոլոգ, Telegram-ում @mediamediame նախագծի հեղինակ և խմբագիր, դասընթացավար-խորհրդատու Սերգեյ Յակուպովը։
Սերգեյ Յակուպովը մեդիադաշտում աշխատում է 2003 թվականից, վերջին տարիներին զբաղվում է լրատվական կայքերի մոնետիզացիայի խնդիրներով, եղել է zvzda.ru և newsko.ru (Պերմ) լրատվական կայքերի բրենդ մենջերը և գլխավոր խմբագիրը, ղեկավարել է «Я покупаю» (Եկատերինբուրգ) հրատարակությունների դաշնային ցանցը: Անցած տարի ՄՆԿ-ի հրավերով դասընթաց ու խորհրդատվությունների շարք է անցրացրել նաև հայաստանյան խմբագրությունների համար։
Դասընթացի հիմնական թեմաներն են՝
- նախագծի կառավարում (product management),
- մեդիա արտադրանքի տարածման լրացուցիչ ուղիներ (distribution)
- մոնետիզացիայի հնարավորություններ մեդիայի համար։
Դասընթացի ժամանակ քննարկված գաղափարները կարող են ծրագրային առաջարկների հիմք դառնալ, լրամշակվել և ներկայացվել դրամաշնորհային մրցույթին, որը կհայտարարվի դասընթացից անմիջապես հետո։
Նախընտրությունը տրվելու է այն թեկնածուներին, որոնք
- հետաքրքրված են սեփական խմբագրությունում նախագծերի կառավարմամբ, մոնետիզացիայի նոր մոդելների փորձարկմամբ և իրենց հայտերում ներկայացրել են համապատասխան գաղափարներ,
- կարող են մասնակցել ծրագրի հետագա փուլերին (դրամաշնորհային առաջարկների մշակում, իրականացում) և ժամանակ տրամադրել աշխատելու իրենց և/կամ այլ խմբագրությունների հետ,
- պատրաստ են փոխանցել իրենց գիտելիքներն ու փորձը գործընկերներին։
Դասընթացն անցկացվելու է Մեդիա նախաձեռնությունների կենտրոնում։ Մարզերի մասնակիցների տրանսպորտի և կեցության ծախսերը կփոխհատուցվեն: Աշխատանքային լեզուն ռուսերենն է։
Դասընթացին դիմելու համար անհրաժեշտ է լրացնել հետևյալ հայտադիմումը մինչև փետրվարի 25-ը։
Լրացուցիչ տեղեկությունների համար կարող եք դիմել Մարինե Քոչարյանին՝ [email protected] էլ․փոստի հասցեով կամ 010 583620 (122) հեռախոսահամարով։
Դասընթացը կազմակերպվում է «Լսարանի ճանաչում և թվային աջակցություն» ծրագրի շրջանակում։ Այն Հայաստանում իրականացնում է Մեդիա նախաձեռնությունների կենտրոնը՝ Ինտերնյուս Եվրոպայի և Շվեդիայի միջազգային զարգացման գործակալության (SIDA) աջակցությամբ:
Այս պահին չեմ հանդիսանում որևէ լրատվամիջոցի աշխատակից, բայց թեման ինձ հետաքրքիր է, քանի որ աշխատում եմ սեփական մեդիանախաձեռնության ուղղությամբ ու գտնվում եմ պլանավորման փուլում։ Դասընթացը կարող է օգտակար լինել ինձ համար։
Վստահ եմ, որ դասընթացն օգտակար կլինի։Շնորհակալություն