2020.04.03,

Նյուսրում

Կորոնավիրուսի օրերին աշխատող լրագրողները․ Ֆոտոշարք․ մաս 2

author_posts/gayane-asryan
Գայանե Ասրյան

Լրագրող

Հայաստանում հաստատված արտակարգ դրության պայմաններում սահմանափակվել է մարդկանց ազատ տեղաշարժը: Փողոցներում այսօր կարող եք հանդիպել ոստիկանների, հատուկենտ մարդկանց զբոսանքի կամ գնումների գնալիս և շատ քիչ թվով լրագրողների և լուսանկարիչների:

Նրանց աշխատանքը կենսական անհրաժեշտություն է այն մարդկանց համար, ովքեր փակված են տանը, բայց կարիք ունեն հասկանալու՝ ինչ է կատարվում խանութներում, փողոցներում, հանրային սննդի կետերում, տրանսպորտում և այլ վայրերում:

Նրանց աշխատանքը ժամային առումով սահմանափակված չէ, լրագրողական վկայականներով շրջում են քաղաքում, զրուցում և ֆիքսում այն, ինչ հետաքրքիր է, տպավորիչ և հուզիչ: 

Բացառությունը բուժհաստատություններն են, մեկուսարանները, որտեղ լրագրողները չեն կարող մուտք ունենալ և պատմել պատմություններ, որոնք ճշտելու կամ սեփական աչքով տեսնելու հնարավորություն չունեն:

Լրատվամիջոցներն աշխատում են այնքան, ինչքան հնարավոր է այս պայմաններում։ Գլխավորը՝  ռիսկի տակ չդնելով սեփական աշխատակիցների առողջությունը և աշխատանքը կազմակերպելով տնից: 

Media.am-ը պարբերաբար խնդրում է մեդիադաշտի իր գործընկերներին՝ տրամադրել լուսանկարներ և ցույց տալ արտակարգ իրավիճակով պայմանավորված նոր աշխատանքային պայմանները: Առաջին շարքը հասանելի է այս հղումով:

Դուք էլ կարող եք դառնալ մեր հաջորդ շարքի մասնակիցը, եթե լուսանկար ուղարկեք  [email protected] էլեկտրոնային հասցեին:

Նարեկ Ալեքսանյան, լուսանկարիչ, Հետք

Ամեն օր դրսում նկարում է՝ փորձելով մարդկանցից պահել սոցիալական հեռավորությունը. «Բայց մեկ-մեկ էն սուպեր մարիոյի խաղի նման, ինչ-որ ուրիշ պերսոնաժներ են գալիս ու պիտի փախչես իրանցից, որ չկպնեն: Երբեմն փողոցում մարդիկ տարօրինակ են նայում, որ հեռու եմ քաշվում իրանցից»:

Անուշ Մկրտչյան, լրագրող, Ազատություն ռադիոկայան

Գևորգ Թոսունյան, լրագրող, Հանրային հեռուստատեսություն

Անահիտ Մինասյան, լրագրող, Ուրբանիստա

Լիլիան Գալստյան, լուսանկարիչ, Panorama.am

Արտակարգ դրության օրերին Լիլիանը ոչ մի միջոցառման կամ իրադարձության ներկա չի լինում: Երբեմն շրջում է քաղաքում և լուսանկարներով պատմում քաղաքի կիսադատարկ ու խաղաղ առօրյայի մասին:

Ռոբերտ Զարգարյան, լրագրող, Ազատություն ռադիոկայան

Նանա Մարտիրոսյան, լրագրող, Սպուտնիկ Արմենիա

Լիլիթ Թանդիլյան, Վանուհի Ավագյան, Դավիթ Աղաբեկյան, լուրերի հաղորդավարներ, Երկիր Մեդիա

Լրատվական հաղորդման հաղորդավարները չեն կարող տնից աշխատել: Խմբագրությունում էլ հետևում են կանխարգելիչ խիստ միջոցառումներին:

Արթուր Ղահրամանյան, պրոդյուսեր, Factor.TV

Նա ժպտում է, որովհետև ազատված է ստուդիա հյուրեր կանչելու ծանր պարտականությունից: Այս օրերին նա մոնտաժողների թիմի անդամ է:

Քրիստինե Տեր-Մաթևոսյան, լրագրող, Էկոլուր

Երեխաների հետ աշխատող մայրիկներն ամենաշատն են սպասում բնականոն աշխատանքի վերադարձին 🙂

Արտակ Գևորգյան, օպերատոր, Հերմինե Բաղդասարյան, լրագրող, Հանրային հեռուստաընկերություն

Արթուր Դեվրիկյան, ռեժիսոր, Factor.TV-ի տեխնիկական բաժնի ղեկավար

Արթուրի ինքնամեկուսացումը առանց էքստրիմի չի կարող լինել: Ոչ մի միջազգային հետաքրքիր ուղիղ հեռարձակում նրա աչքից չի վրիպում:

Սոնա Հարությունյան, Սիրանույշ Պապյան, Թագուհի Հակոբյան, Քրիստինա Աղալարյան, Վով Մուշեղյան, լրագրողներ, Արտակ Եղիազարյան, պրոդյուսեր, Գոհար Հայրապետյան, Ժիրայր Ոսկանյան, հաղորդավարներ, 1in.am

1in.am-ում բոլորն աշխատում են խմբագրությունից, բարձր տրամադրությամբ և պահպանելով օրական հումորի պարտադիր չափաքանակը:

Գայանե Ասրյան


Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:

Leave a Reply

Your email address will not be published. Required fields are marked *