Սիրելի՛ ուսանողներ,

Եթե սոցցանցերում ձեզ գրավում են սենսացիոն վերնագրերը, հաճախ եք թերթում հեռուստացույցի ալիքները ու ձեզ համար կարևոր է ունենալ այն, ինչը շատ է գովազդվում,

կամ հակառակը, այս ամենը բարկացնում է, ու դուք չեք վստահում մեդիային, ապա Մեդիա նախաձեռնությունների կենտրոնը հրավիրում է ձեզ մասնակցելու «Ես եմ մեդիան» ամենամյա ուսանողական մրցույթին:

Սա հնարավորություն է խոսելու ձեր ու մեդիայի հարաբերությունների մասին, պատմելու, թե ինչպիսին կուզեիք տեսնել մեդիան, ինչ եք փնտրում լրատվամիջոցներում, ինչպես եք կողմնորոշվում տեղեկատվական միջավայրում:

Մրցույթի այս տարվա թեմաներն են`

• Ստուգված է. տեղեկության ստուգման իմ բանաձևը
• Սոցցանցերի տեղեկատվական սարդոստայնում
• Մեդիան՝ փոփոխությունների գործիք
• Այ քեզ վերնագիր
• Ես եմ մեդիան

Մրցույթին ներկայացրած ձեր նյութերը կարող են լինել`

• էսսե/անձնական պատմություն (մինչև 3 էջ)
• Լուսանկար կամ ֆոտոպատմություն
• Տեսանյութ/աուդիոնյութ
• Մուլտիմեդիա նյութ

Հայտերը պետք է ուղարկել [email protected] էլ. փոստի հասցեին մինչև հունիսի 1-ը ներառյալ` նշելով մասնակցի կոնտակտային տվյալները, ուսումնական հաստատությունը, ֆակուլտետն ու կուրսը: Հաղթողներին կընտրի խմբագիրներից ու լրագրության դասախոսներից կազմված անկախ ժյուրին: 3 լավագույն աշխատանքները կհրապարակվեն Media.am կայքում, իսկ հեղինակները կստանան մրցանակներ և վկայագրեր: Մանրամասների համար զանգահարել Լուսինե Գրիգորյանին՝ 010 583620 համարով (ներքին համարը՝ 110):

«Ես եմ մեդիան» մրցույթի 2016թ արդյունքների մասին կարող եք կարդալ այստեղ:

Մրցույթն անցկացվում է Ամերիկայի ժողովրդի աջակցությամբ՝ ԱՄՆ Միջազգային զարգացման գործակալության միջոցով իրականացվող «Մեդիան քաղաքացիների տեղեկացված մասնակցության համար» ծրագրի, ինչպես նաև Վիշեգրադ միջազգային հիմնադրամի և Նիդերլանդների Թագավորության արտաքին գործերի նախարարության ֆինանսավորմամբ “Transitions” (TOL) հասարակական կազմակերպության կողմից իրականացվող «Ապակոդավորելով կեղծ տեղեկատվությունը. պրոֆեսիոնալ և ուսանող լրագրողների կրթական ծրագրի» շրջանակում: