Ընդամենը երկու շաբաթում «քայլ» բառը Հայաստանում հասարակ գոյականից վերածվեց հատուկի. ձեռք բերեց նոր իմաստ ու երանգ, սկսեց արտահայտել վերաբերմունք, տեսակետ, տրամադրություն, վերածվեց իսկական շարժման:
Ամեն ինչ սկսվեց մարտի 31-ին Գյումրիի Վարդանանց հրապարակից «Քաղաքացիական պայմանագիր» կուսակցության ղեկավար Նիկոլ Փաշինյանի, նրա կուսակիցների և համախոհների քայլերթով՝ Սերժ Սարգսյանի իշխանավարման հնարավոր երրորդ ժամկետի դեմ:
«Իմ Քայլը» անվանումը ստացած այս նախաձեռնության մեկնարկին Փաշինյանը հայտարարեց. երկու շաբաթում բացառապես քայլերով կշրջեն Հայաստանի մի քանի քաղաքներով և ապրիլի 13-ին կհասնեն Երևանի Ազատության հրապարակ:
Այստեղ շարժումը նոր ռիթմ ստացավ. քայլել սկսեցին բոլորը՝ ոմանք սեփական նախաձեռնությամբ, ոմանք էլ՝ ենթարկվելով խաղի նոր կանոններին:
Այս օրերին շատ են քայլում նաև շարժումը լուսաբանող լրագրողները, ֆոտոլրագրողներն ու օպերատորները, ընդ որում, հաճախ՝ հետ քայլերով:
Ներկայացնում ենք նրանց քայլերի դինամիկան՝ շարժումից առաջ ու շարժման ընթացքում (առաջ՝ ապրիլի 2-12, ընթացքում՝ ապրիլի 13-23, երբ շարժումը գրանցեց առաջին հաջողությունը՝ Սերժ Սարգսյանի վարչապետի պաշտոնից հրաժարական տվեց): Տվյալները վերցված են լրագրողների օգտագործած բջջային հավելվածներից:
Սոնա Քոչարյան
