Ինչպես լինել ցանցային լրագրող

29.03.2012, Մեդիագլոբ

Ինձ միշտ հետաքրքրել է, թե լրագրողներն ինչպես են հույս դնում «թեժ կետերի» վրա, այսինքն այն մարդկանց կամ վայրերի, որոնք պարբերաբար ստուգում ես թեմա կամ պատմություն գտնելու համար: Ի՞նչ նկատի ունեմ: Ահա մի քանի «թեժ կետերի» օրինակներ ավանդական լրագրությունից:

  • Դատարաններ
  • Շտապ օգնության ծառայություններ
  • Փաբեր (եւ դրանց տերերը)
  • Խորհրդի նիստեր
  • Տեղի ծխական քահանա
  • Փոստի բաժանմունք


Ուշագրավն այն է, որ այս ցանկի մեջ ընդգրկված վայրերում պարտադիր չէ, որ իրադարձություններ տեղի ունենան: Դրանք ավելի շատ վայրեր են, որտեղ  իրադարձությունների հոսք է նկատվում. հանցագործություններ, հրդեհներ եւ պատահարներ տեղի են ունենում ամբողջ քաղաքով մեկ, սակայն ոճրագործներից , հերոսներից եւ տուժածներից շատերն ի վերջո պատմություններ են փոխանակում միեւնույն վայրում: Փաբերը գերազանց վայրեր են բանբասանքների (եւ կռիվների) համար, բայց չես կարող ամբողջ ժամանակ այնտեղ լինել (եւ դրա հետ մեկտեղ առնվազն պահել աշխատանքդ):

Ինֆորմացիայի օնլայն փոխանակման ավելացմանը զուգահեռ նոր «թեժ կետեր» են ավելանում եւ հները լրագրողական տեսանկյունից դառնում են պակաս արդյունավետ: Հոգեւորականները գործ ունեն ավելի քիչ ծնունդների եւ ամուսնությունների հետ, բացիկները փոստի բաժանմունքից տեղափոխվում են Freecycle-ի մեջ:

Ես նախկինում գրել եմ օնլայն լրագրողների համար ցանցային ենթակառուցվածքների մասին:

…. Սակայն ուզում եմ ավելացնել դրանց մի քանի ավելի յուրահատուկ, գործնական քայլեր: «Օգնեք ինձ հետաքննել» թեմայով ես գրել եմ ուղեցույց աղբյուրների 7 խմբի մասին, որոնք  կարող եք օգտագործել որպես լրագրող եւ  թե ինչպես կարող են դրանք ուղղուրդել Ձեր իրական աշխարհի փորփրման գործում

Այ սրանք են նոր «թեժ կետերը»:

Եթե ժամանակ չունեք գրառումս կարդալու, ահա այդ 7 –ը:

1. Պատրաստի նյութերի հիման վրա գրված նորություններ
2. Իշխանական համակարգի միջանցքներ
3.Իրադարձություններ
4.Դժկամ բացահայտումներ
5.Հաշվետվություններ, ուսումնասիրություններ եւ խորհրդատվություններ
6.Թիրախային համայնքներ
7.Փորձագետներ եւ դիտորդներ

Բնօրինակը հրապարակվել է  Online Journalism Blog-ում

Թարգմանությունը՝ Նվարդ Հովհաննիսյանի

Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
 

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:
Լրացուցիչ տեղեկություններ ?