2017.05.03,

Նյուսրում

Երբեմն սուբյեկտիվն ավելի ճշգրիտ է. Արա Շիրինյան

author_posts/gayane-asryan
Գայանե Ասրյան
facebook

Լրագրող

Հայաստանում Մամուլի ազատության համաշխարհային օրը՝ մայիսի 3-ը, նշում են  «Մամուլի ազատության ժամանակը» մրցանակաբաշխությամբ: Մրցանակը սահմանել են Երեւանի մամուլի ակումբը, Մեդիա նախաձեռնությունների կենտրոնն ու  Հայաստանի ժուռնալիստների միությունը՝ 2006թ.-ին:

2017թ.-ին «Մամուլի ազատության ժամանակը» մրցանակը ստացավ ռեժիսոր Արա Շիրինյանը՝ մասնագիտական շիտակության համար:

«Մրցանակները չեն կարող խրախուսել ինձ, քանի որ վարժված եմ իմ գործում, գիտեմ ինչ եմ անում, անում եմ այնքան ինչքան կարողանում եմ և կանեմ այնքան ինչքան կարող եմ»,- ասում է ռեժիսորը:

Նա անկեղծանում է, որ առիթներ և հնարավորություններ են պետք երիտասարդ լրագրողների կայացման համար. «Այս հարցում ավագ սերունդն իր պատասխանատվության բաժինն ունի: Պետք է օգնել նրանց դրսևորվել և կայանալ»:

Արա Շիրինյանը ստեղծaգործական կրեդո չունի: Ասում է, որ եթե մի կանոն ունենար, ապա հետաքրքիր չէր լինի իր աշխատանքը. «Կարող եմ կարևորել կոնկրետ ամենափոքր դետալները, քանի որ դրանք ավելի խոսուն են, ազդեցիկ, քան տեքստը: Ընդհանրապես  էմոցիաներն ավելի խորը ազդեցություն կարող են ունենալ, քան տրամաբանությունը»: Վավերագրողի աշխատանքի նրբությունն էլ, նրա կարծիքով, նման հասկացողությունները իրենց ֆիլմերում արտացոլելն է:

Իր ֆիլմերում ռեժիսորն առանձնապես չի հետևում օբյեկտիվությանը. «Երբեմն սուբյեկտիվն ավելի ճշգրիտ է, քան օբյեկտիվը, պարզապես դա քո էթիկայի հարցն է: Լրագրության մեջ արդեն վաղուց օբյեկտիվության կանոնը չի գործում, ինֆորմացիոն հոսքերով հմտորեն մանիպուլjացիա են անում և դա դարձնում անհրաժեշտություն: Օբյեկտիվություն խախտելը անխուսափելի է»:

2017թ.-ին Մամուլի ազատության համաշխարհային օրը կարևորագույն երեք թեմաներ են առանձնացվել՝ արդարատության կարևորությունը մամուլի ազատության համար, խաղաղության և փոխըմբռnման գործում մամուլի կարևորությունը, մամուլի միջոցով քաղաքացիների ակտիվ մասնակցության ապահովումը:

Իրականում այս օրը լավ հնարավորություն է ոչ միայն գնահատելու լրագրողական համայնքի ձեռքբերումներն, այլև խոսելու խնդիրների մասին: Այսօր աշխարհում ընթացող զարգացումները բարդացնում են լրագրողների աշխատանքը, սակայն սա չի նշանակում, որ պետք է հանձնվել: Խոսքի ազատության համար պետք է պայքարել ամեն օր:

Գայանե Ասրյան


Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:

Leave a Reply

Your email address will not be published. Required fields are marked *