Ղարաբաղա-ադրբեջանական շփման գծում վերջին օրերի լարվածությունը խնդիրներ ու դժվարություններ բացահայտեց նաև լրագրողների աշխատանքում: Դրանցից մեկն էլ ռազմական գործողությունների գոտում աշխատելիս անձնական անվտանգության պարզ կանոնների պահպանումն է:
Նկատի ունենալով այդ օրերին Ղարաբաղում աշխատած լրագրողների դիտարկումները, նաև մեր գործընկերների խնդրանքները՝ Մեդիա նախաձեռնությունների կենտրոնը փորձել է արագ արձագանքել և նախապատրաստել է հատուկ դասընթաց՝ «Ինչպես պահպանել անվտանգությունը հակամարտության գոտում աշխատելիս» թեմայով:
Անձնական անվտանգության և առաջին բուժօգնության հարցերով փորձագետները կներկայացնեն լրագրողների համար պարզ ուղեցույցներ այն մասին, թե՝
- ինչպես նախապատրաստվել ռազմական գործողությունների գոտի մեկնելիս,
- առաջին անհրաժեշտության ինչ պարագաներ վերցնել,
- ինչպիսի հագուստ կրել,
- ինչպես պաշտպանվել կրակահերթերից եւ ռմբակոծությունից,
- որտեղ պատսպարվել վտանգի դեպքում,
- ինչպես հաղորդակցվել կապի խափանման դեպքում,
- վնասվածքների դեպքում ինչպես ցուցաբերել առաջին բուժօգնություն:
Դասընթացը կվարեն Հայկական Կարմիր խաչի ընկերության եւ Հումանիտար ականազերծման եւ փորձագիտական կենտրոնի և Անվատնգության միջազգային հատուկ ակադեմիայի մասնագետները: Հորդորում ենք լրատվամիջոցների ղեկավարներին եւ հակամարտությունը լուսաբանող լրագրողներին կարևորել այս դասընթացը եւ մասնակցել։
Դասընթացին մասնակցելու համար գրանցվեք այստեղ: Այն կտևի 1.5-2 ժամ և բաց է բոլոր ցանկացողների համար:
Սպասում ենք ձեզ ապրիլի 19-ին, ժամը 16:00-ին Մեդիա նախաձեռնությունների կենտրոնում: Հասցեն՝ Արշակունյաց 3, վերջին հարկ:
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: