2019.04.01,

Նյուսրում

Արա Շիրինյան. «Հեռուստատեսությունը քաղաքացի է ձևավորում»

author_posts/nune-hakhverdyan
Նունե Հախվերդյան

Լրագրող, արվեստի քննադատ

Հանրային հեռուստառադիոընկերության խորհրդի նախագահի թափուր տեղի համար հայտարարված մրցույթում ընտրվեց կինովավերագրող, «Շողակաթ» հեռուստաընկերության գեղարվեստական ղեկավար Արա Շիրինյանը:

Մրցույթը, որը 2019-ի ապրիլի 1-ին անցկացրել էր ՀՀ հեռուստատեսության և ռադիոյի ազգային հանձնաժողովը, ստացել էր հայտեր 23 թեկնածուներից, որոնցից 9-ի հետ կազմակերպվել էին հարցազրույցներ:

Արա Շիրինյանը փակ քվերակության արդյունքում ստացել է առավելագույն 3 ձայն («Ա1+» հեռուստաընկերության տնօրեն Մեսրոպ Մովսեսյանը և ՀՌՀ խորհրդի նախագահ Տիգրան Հակոբյանը ստացել էին մեկական ձայն):

Հանձնաժողովի այդ որոշումը պետք է հաստատի ՀՀ վարչապետը:

Որպես Հանրայինի առաջնահերթ փոփոխություն Արա Շիրինյանը ընդգծեց վստահության անհրաժեշտությունը: Նա ասաց media.am-ին.

«Հեռուստատեսությունն իր բնույթով քաղաքացի ձևավորող գործոն է: Մեծամասամբ հանրային հեռուստատեսությունից է կախված, թե որքանով մարդիկ կվստահեն իրենց պետությանը: Մեր հասարակությունը երկար տարիներ արդարացիորեն չի վստահել հեռուստատեսությանը և հիմա մեծ ջանքեր կպահանջվեն այս իրողությունը փոխելու համար»:

Նունե Հախվերդյան


Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:

Leave a Reply

Your email address will not be published. Required fields are marked *