Անվտանգության կարճ ուղեցույց հակամարտության գոտում աշխատող լրագրողների համար

BBC-ի արաբական ծառայության լիդ տնօրեն (Lead Director) Էդմոնդ Սաբելլան Media.am-ի խնդրանքով հակամարտության գոտում աշխատող լրագրողների համար կազմել է անվտանգության կարճ ուղեցույց:

1.Ականներից խուսափելու համար քայլեք միայն պինդ մակերեսով ծածկույթի վրայով (ասֆալտ, քար, սալաքար, սառած հող) եւ ուշադիր նայեք, թե արդյոք ձեր շրջակայքում «Ական» գրառմամբ նշաններ չկան:
 

2.Այնպես կայանեք ձեր ավտոմեքենան, որպեսզի անհրաժեշտության դեպքում կարողանաք արագ լքել տարածքը:
 

3.Վտանգի պահին մի պատսպարվեք ավտոմեքենայում, դռների հետևում կամ ավտոմեքենայի երկու կողմերում: Թաքնվեք առջևում, հետնամասում կամ ավտոմեքենայի շարժիչի մոտ:
 

4.Մի խորացեք հակամարտության գոտում: Դուք միշտ կարող եք օգտագործել տեսախցիկի «zoom in» հնարավորությունը:
 

5.Կրեք սաղավարտ և զրահաբաճկոն:
 

6.Ձեզ հետ ունեցեք ջուր, շոկոլադ կամ բանան:
 

7.Ձեզ հետ ունեցեք առաջին բուժօգնության պարագաներով դեղարկղ:
 

8.Եթե ձեր գործընկերներից մեկը վիրավորվել է, համոզվեք, որ անվտանգ է նրան մոտենալն ու օգնելը: Թաքնված դիպուկահար կարող է լինել, որը հենց ձեզ է սպասում:

9.Շատ իրեր մի վերցրեք ձեզ հետ: Տեսախցիկը, միկրոֆոնն ու մարտկոցները բավական են:
 

10.Կրեք տաք հագուստ և ջրակայուն/արշավային կոշիկներ:
 

11. Միայնակ մի գնացեք հակամարտության գոտի:
 

12. Խոսեք բանակի հետ և միշտ թույլտվություն հարցրեք:
 

13. Մինչև հաստատ կհամոզվեք, որ տեղանքն անվտանգ է, խորհրդակցեք տեղացիների և պաշտոնյաների հետ:


Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:

Leave a Reply

Your email address will not be published. Required fields are marked *