Քոչարյաններն ընդդեմ «Ժամանակ»-ի դատական գործը վերսկսվեց

08.05.2011, Նյուսրում

Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանը հրապարակեց Բելլա եւ Սեդրակ Քոչարյաններն ընդդեմ «Ժամանակ» օրաթերթի դատական գործով որոշումը: Դատարանը որոշեց գործի քննությունը վերսկել եւ նշանակել նոր դատաքննության էական նշանակություն ունեցող և գործով չհետազոտված ապացույցների առկայության պատճառաբանությամբ:

«Ժամանակ» օրաթերթի ներկայացուցիչ, փաստաբան Նիկոլայ Բաղդասարյանը գտնում է, որ դատարանն այս որոշումն ինքնուրույն չի կայացրել, եւ ինչ-որ մեկը հետեւում է այս դատավարական գործընթացին:

«Այս պայմաններում, երբ որոշումը դատարանի դահլիճում չի կայացվում, եւ դու մրցում ես ոչ թե երկու կողմերի մեջ, այլ մի մեծ ապարատ է աշխատում, որպեսզի հանկարծ մի կողմը չսխալվի, դատարանը չսխալվի եւ վերահսկում են ամբողջ պրոցեսը, այստեղ արդարադատության մասին խոսք չկա, սա ձեւականություն  է»,- ասում է նա:

Փաստաբանի խոսքերով՝ վեճ չպետք է լիներ, քանի որ Քոչարյանները բաց են թողել դատավարական ժամկետները, գործը պետք է կարճվեր:

Անկախ փաստաբան Կարեն Մեջլումյանը կարծում է, որ այս որոշումը հնարավոր է՝ պայմանավորված է  Քոչարյանների ներկայացուցչի փաստաբանական ծախսերի հետ կապված հավելյալ ապացույցների հետազոտությամբ: Նրա խոսքերով՝ դատարանում որեւէ մեկի շահերը պաշտպանելու դիմաց գումար կարող է պահանջել միայն փաստաբանը, իսկ Քոչարյանների ներկայացուցիչը փաստաբան չէ, սակայն Քոչարյանները 3 միլիոն դրամ են պահանջում որպես փաստաբանական ծախսերի փոխհատուցում:

Բելլա եւ Սեդրակ Քոչարյանները «Ժամանակ» օրաթերթից պահանջում են հերքել «Ադամանդե Ռոբ» «Վոլվո+Սպայկա = Սեդրակ Քոչարյան», «Արյունը Քոչարյանից, կայֆը Ծառուկյանից, հակացնցումը Լֆիկից»  հրապարակումներում տեղ գտած՝ իրենց պատիվը, արժանապատվությունը եւ բարի համբավն արատավորող տեղեկությունները եւ փոխհատուցել վիավորանքի եւ զրպարտության միջոցով հասցված 6 միլիոն ՀՀ դրամի չափով վնասը:

Գործի քննությունը կվերսկսվի մայիսի 20-ին:

Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
 

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:
Լրացուցիչ տեղեկություններ ?