Գրադարանում. Հովհաննես Մովսիսյան

31.01.2019, Գրադարանում

Կրթությամբ ֆիզիկոս, մասնագիտությամբ՝ լրագրող: Աշխատում է Մեդիա նախաձեռնությունների կենտրոնում:

ՀՀ վարչապետի աշխատակազմի հանրային կապերի և տեղեկատվության կենտրոն ՊՈԱԿ-ի ղեկավար Հովհաննես Մովսիսյանը կեղծ լուրերի դեմ պայքարի լավագույն միջոց է համարում գրագետ լսարանի ձևավորումը:

Նրա կարծիքով՝ քաղաքական փոփոխությունները հանգեցրեցին վերնախավի փոփոխության, և բնական է, որ փոխվելու են նաև մեդիա ոլորտի խաղացողները: Եվ դրանով է պայմանավորված նաև մեդիա դաշտում ներդրումների ակտվիությունը:

«Հուսով եմ, որ այս փուլը կանցնենք առանց մեծ կորուստների»,- ասում է նա:

Կենտրոնը այժմ փորձում է ստեղծել միասնական տեղեկատվական դաշտ, որտեղ հավաքված ինֆորմացիայից կօգտվեն լրագրողները, մամուլի խոսնակները, տարբեր կազմակերպությունները:

«Մեր կենտրոնը իշխանությունների քարոզչական կառույցը չէ: Մեր նպատակը կառավարության քայլերը հանրությանը հասցնելն է»,- ասում է Հովհաննես Մովսիսյանը:

Կենտրոնը փորձում է կառավարության աշխատանքը դարձնել առավել թափանցիկ, իսկ գերատեսչությունների կայքերն ու սոցցանցերի էջերը բերել մի ստանդարտի:

Կենտրոնը ցանկանում է ստեղծել նաև «ուղեղների կենտրոն» (think tank) ու հայկական վերլուծական միտքը հասցնել աշխարհին: Այն կկոչվի «Օրբելի կենտրոն», և բացումը տեղի կունենա 2019-ի գարնանը:

Հովհաննես Մովսիսյանի կարծում է, որ մեդիային առնչվող օրենսդրական փոփոխությունները պետք է նախաձեռնի ոչ թե կառավարությունը, այլ հենց ԶԼՄ-ների հատվածը:

Գեղամ Վարդանյան

Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
 

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:
Լրացուցիչ տեղեկություններ ?