Գրադարանում. Գևորգ Ղազարյան

11.12.2018, Ընտրություններ 2018

Կրթությամբ ֆիզիկոս, մասնագիտությամբ՝ լրագրող: Աշխատում է Մեդիա նախաձեռնությունների կենտրոնում:

«Կար ժամանակ, երբ ընտրությունները ֆարսի պես մի բան էին: Մեզ թվում էր, որ ընտրելով՝ կատարում ենք մեր քաղաքացիական պարտքը, բայց պարզվում էր, որ որոշ անձինք մեր պարտքն արդեն մեր փոխարեն կատարել են»,- ասում է ֆոտոլրագրող Գևորգ Ղազարյանը:

Նրա կարծիքով՝ այս արտահերթ խորհրդարանական ընտրություններում չկար լարվածություն, սպառնալիքներ ու թեժ կետեր:

Բարեբախտաբար, պետք չէին նաև լրագրող-ակտիվիստները, որոնք դրոշակները ձեռքին պայքարում էին ընտրախախտումների դեմ:

«Նախորդ տարիներին թվում էր, որ ամեն օր գնում ենք ռազմաճակատ, որտեղ ոչ ոք չի պաշտպանի մեր շահերը և չի ընկալի, որ օրենք է խախտում: Իսկ հիմա լրագրողների հանդեպ վերաբերմունքն է փոխվել, հասարակությունը հասկանում է, որ լրագրությունը ուժ է: Եվ որոշ դեպքերում այդ ուժն իրոք ֆանտաստիկ գործ է անում»,- ասում է Գևորգը:

Գեղամ Վարդանյան

Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
 

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:
Լրացուցիչ տեղեկություններ ?