Այսօր Սերժ Սարգսյանը հրամանագիր է ստորագրել Արմեն Արզումանյանին ՀՀ նախագահի մամուլի քարտուղարի պաշտոնից  ազատելու մասին:

Իսկ մեկ այլ հրամանագրով ՀՀ նախագահի մամուլի քարտուղար է նշանակվել քաղաքագիտական գիտությունների թեկնածու, տեղեկատվական եւ հաղորդակցման տեխնոլոգիաների ոլորտի մասնագետ, դասախոս Արման Սաղաթելյանը, ով մինչ այդ զբաղեցրել է «ԱրմՌադիո FM 107 ռադիոկայանի տնօրենի ու «ՊանԱրմենիան մեդիա հոլդինգի» փոխնախագահի պաշտոնները:

1975 թվականին ծնված Արման Սաղաթելյանը հայաստանցիներին հայտնի է նաեւ որպես Ուրախների եւ Հնարամիտների Ակումբի խաղերին մասնակցող հայաստանյան թիմի անդամ ( «Նոր հայեր» թիմի ավագն է եղել): Աշխատել է նաեւ ՀՀ ՊՆ լրատվության եւ քարոզչության վարչությունում, վարել «Զինուժ» գրել է, որ լրագրությունը աշխարհի ամենահետաքրքիր մասնագիտությունն է. «Եկել է հեռուստատեսության՝ անխուսափելի քայլ անելու ժամանակը: Մեծ քայլ: Այսօրվանից ես միանում եմ նման նպատակադրումներով պրոֆեսիոնալների խմբին»:

Թեեւ ոչ Արմեն Արզումանյանը, ոչ էլ այլ աղբյուրներ չէին նշել, թե լրատվություն թողարկող պրոֆեսիոնալներին միանալը ինչ ձեւաչափով ու պաշտոնով է լինելու, սակայն ըստ ամենայնի՝ դա տեղի կունենա վերջերս ստեղծված խոշոր մեդիա կազմակերպության՝ «ՊանաԱրմենիան մեդիա հոլդինգի» շրջանակներում:

«Ազատություն» ռադիոկայանի փոխանցմամբ՝ Արմեն Արզումանյանը այդ հոլդինգի խորհրդի նախագահը կդառնա:

Հոլդինգի կազմում են «Արմենիա», «Ա-Թի-Վի», «Արմնյուզ» հեռուստաընկերությունները, «ԱրմՌադիո107», «Ռադիո Ջան» ռադիոընկերությունները, «Նանե» ամսագիրը եւ «TV մոլ» շաբաթաթերթը:

Նունե Հախվերդյան