Հայաստանում դժվար օրեր են լրատվական դաշտի համար: Թավշյա հեղափոխությունից հետո հրատապ լրահոսը սկսեց սկիզբ առնել սոցիալական մեդիայից ու արագ տարածվել՝ արդեն առանց լրագրողների:
Այն մասին, թե ինչպես է մեդիան փորձում հարմարվել նոր իրավիճակին, զրուցում ենք կինովավերագրող Արա Շիրինյանի հետ:
Հայաստանյան մի քանի լրատվամիջոցներ գրել էին համատեղ հայտարարություն, թե նոր իրավիճակում չեն կարողանում աշխատել, քանի որ սոցցանցերը խանգարում են:
Արա Շիրինյանի կարծիքով, դա անհիմն դժգոհություն է, և մամուլը Հայաստանում աշխատում է հին իներցիայով՝ կրկնելով նախորդ իշխանությունների օրոք ձեռք բերած հնարքները:
«Նոր իշխանությունները գերադասեցին անմիջականորեն շփվել հասարակության հետ սոցիալական մեդիայի միջոցով, որովհետև բոլորս գիտենք, որ մամուլը որպես տեղեկատվությունը տեղ հասցնող խողովակ այդքան էլ հուսալի չէ»,- ասում է նա:
Գրադարանի դարակում
Մեդիա դաշտում կողմնորոշվելու ու մեզ շրջապատող ահռելի տեղեկությունը վերլուծելու համար հարկավոր են ոչ միայն տեսական, այլև գործնական գործողություններ:
Մեդիագրագիտության այդպիսի գործնական ուղեցույց՝ MediaNavigator ստեղծել է միջազգային փորձագետների, դասախոսների, լրագրողների ու խմբագիրների խումբը յոթ երկրներից՝ Ուկրաինա, Ռուսաստան, Գերմանիա, Բելառուս, Հայաստան, Վրաստան և Մոլդովա:
Ուղեցույցը գործիքների ու վարժությունների հավաքածու է, որը ներառում է տարբեր թեմաներով վարժություններ՝ բարդության մի քանի աստիճանին համապատասխան:
Վարժություններն ու խմբակային աշխատանքները օգնում են մարդկանց ներգրավել ինֆորմացիայի ստեղծման, ընկալման ու դասակարգման հետաքրքիր գործում:
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: