Հայաստանում UEFA Չեմպիոնների Լիգայի հանդիպումները կհեռարձակի Արմենիա TV-ն

Հայաստանում UEFA Չեմպիոնների Լիգայի հանդիպումները կհեռարձակի Արմենիա TV-ն
Պետր Չեխը նշում է Չելսիի հաղթանակը
UEFA Չեմպիոնների լիգայում
Լուսանկարը՝ uefa.com-ից

UEFA Չեմպիոնների Լիգան Հանրային հեռուստաընկերությունից տեղափոխվում է Արմենիա TV: UEFA-ի պաշտոնական uefa.com կայքում արդեն համապատասխան տեղեկատվություն է հրապարակվել:

Արմենիա TV-ն ձեռք է բերել 2012-2015 թվականներին UEFA Չեմպիոնների լիգայի հանդիպումները Հայաստանում հեռարձակելու իրավունքը: Ամեն խաղային երեկո Արմենիա TV-ն ուղիղ եթերով կհեռարձակի ֆուտբոլային մեկ հանդիպում, ինչպես նաեւ կարեւորագույն պահերի ամենշաբաթյա ծրագրերը: Հեռուստաընկերությունը իրավունք է ստացել նաեւ խաղերը հեռարձակել ինտերնետային եւ մոբայլ տարբերակներով:

Երկար տարիներ Հայաստանում UEFA Չեմպիոնների լիգան հեռարձակում էր Հանրային հեռուստաընկերությունը: Հ1-ի գործադիր տնօրեն Գագիկ Բունիաթյանի խոսքերով՝ հեռարձակման իրավունքի եռամյա ժամկետի ավարտից հետո հեռուստաընկերությունը չի շարունակել պայմանագիրը:

«Այժմ Հանրային հեռուստաընկերությունը ավելի խոշոր սպորտային միջոցառումներ է հեռարձակելու: Մենք տարբեր կարեւոր միջոցառումներ հեռարձակելու իրավունք ենք ձեռք բերել, այդ թվում՝ Լոնդոնի եւ Սոչիի օլիմպիական խաղերը, ֆուտբոլի Եվրոպայի եւ աշխարհի առաջնությունները»,- ասում է Գագիկ Բունիաթյանը:

Աննա Բարսեղյան

Comments

Մեկնաբանել

Type the characters you see in this picture. (verify using audio)
Type the characters you see in the picture above; if you can't read them, submit the form and a new image will be generated. Not case sensitive.
                                

 Media.am by Media Initiatives Center is licensed under a Creative Commons Attribution 3.0 Unported License
Reproduction in whole or in part without reference is prohibited.

Creative Commons License